Ançelotti: “Mbappeni cinaha keçirməyə dəyməz”

“Real”in baş məşqçisi Karlo Ançelotti Kilian Mbappenin mərkəz hücumçusu mövqeyində oyununu şərh edib.

Komanda.az ESPN-ə istinadən xəbər verir ki, italiyalı çalışdırıcı Mbappenin əla hücumçu olduğunu bildirib:

“Onun hazırkı mövqeyi Kilianın komandaya töhfə verməsinə mane olurmu? Mən belə düşünmürəm. Mbappe əla hücumçudur, yaxşı sürətə malikdir və topsuz da hərəkət edə bilir. Bu mövqedə o, əvvəlki kimi qol vuracaq. Düşünürəm ki, onu cinaha keçirməyə dəyməz. O, qol vuracaq”.

Mbappe La Liqanın ilk 2 turunda qol vura bilməyib. Fransalı forvard bu yay “kral klubu”na keçərək 5 illik müqavilə imzalayıb.