Azərbaycan Premyer Liqasında mövsümün rekordu qeydə alınıb

Azərbaycan Premyer Liqasında mövsümün ikinci dövrəsinin startı məhsuldarlıqla əlamətdar olub.

Komanda.az xəbər verir ki, 10-cu turda ümumilikdə 19 qol vurulub.

Bu isə 2023/2024 mövsümünün rekordudur. Orta məhsuldarlıq 3,8-ə bərabərdir.

Bu turda “Neftçi” “Səbail”i (4:2), “Sabah” “Sumqayıt”ı (3:1), “Araz-Naxçıvan” “Qəbələ”ni (4:1) məğlub edib. “Turan-Tovuz” – “Qarabağ” (2:2) və “Kəpəz” – “Zirə” (0:0) görüşlərində qalib müəyyənləşməyib.

Daha əvvəl ən çox qol 1-ci turda (15 qol) vurulub. Həmin vaxt orta məhsuldarlıq 3-ə bərabər olub.