PSJ-nin hücum üçün 2 variantı

PSJ cari transfer pəncərəsində yeni hücumçu almağa hazırlaşır.

Komanda.az “RMC Sport”-a istinadən xəbər verir ki, parislilərin rəhbərliyi hazırda “Bayern”ə keçidə daha yaxın olan “Tottenhem”in hücumçusu Harri Keynin transferinin reallığına şübhə edir və buna görə də, başqa oyunçular almağa çalışır.

Birinci variant “Ayntraxt”ın hücumçusu Randal Kolo-Muanidir. Frankfurt klubu futbolçusu üçün 70 milyon avro və bonuslar tələb edir.

İkinci variant isə “Benfika”nın hücumçusu Qonsalo Ramosdur. Lissabon klubu öz oyunçusu üçün daha çox təzminat almaq istəyir – 80 milyon avro, üstəgəl bonuslar.

Xarici mətbuatda yayılan xəbərlərə görə, PSJ “Barselona”nın vingeri Osman Dembeleni transfer etməyə yaxındır.