PSJ-nin Bernardo Silva üçün təklif etdiyi futbolçular

“Mançester Siti” PSJ-nin Bernardo Silva üçün göndərdiyi təklifi rədd edib.

Komanda.az “Footmercato”-ya istinadən xəbər verir ki, Paris klubu portuqaliyalı futbolçunun qarşılığında “Mançester Siti”yə qapıçı Canluici Donnarummanı və yarımmüdafiəçi Marko Verrattini təklif edib. İngiltərə təmsilçisi isə bu təklifi qəbul etməyib.

Silva 2022/23 mövsümündə “şəhərlilər”in heyətində 55 oyuna çıxıb, 7 qol vurub və 8 məhsuldar ötürmə edib.

Xatırladaq ki, “Mançester Siti” cari mövsümdə treblə imza atıb. Onlar İngiltərə Premyer Liqasının, federasiya kubokunun və Çempionlar Liqasının qalibi olublar.