“Sabah” rəsmisi Komanda.az-a açıqladı: “Beşiktaş” Bakıya bu tarixdə gələcək

“Beşiktaş”ın “Sabah”la yoldaşlıq oyunu keçirmək üçün Bakıya gələcəyi tarix məlum olub.

Bu barədə Komanda.az-a “Sabah” klubunun mətbuat xidmətinin rəhbəri Elnur Həmidov məlumat verib. Klub rəsmisinin dediyinə görə, “qara qartallar” böyük ehtimalla, mayın 13-də Bakıya gələcək. Həmidov bildirib ki, “Beşiktaş”ın səfəri ilə bağlı dəqiq məlumat yaxın zamanda veriləcək.

“Beşiktaş” Türkiyə Super Liqasının 34-cü turunda istirahət edəcək. Bundan istifadə etmək istəyən İstanbul klubu xeyriyyə matçı keçirmək üçün Bakıya gəlməyi planlaşdırır.

Martın 26-da Türkiyənin “Qalatasaray” klubu da Bakıda “Qarabağ”la xeyriyyə oyunu keçirmişdi. Görüş türkiyəlilərin 2:1 hesablı qələbəsi ilə bitmişdi.