Azərbaycan kuboku: Son 14 ildə ilk dəfə…

Son 14 mövsümdə ilk dəfə Azərbaycan kubokunun yarımfinal mərhələsində heç-heçə qeydə alınmayıb.

Komada.az xəbər verir ki, analoji hadisə sonuncu dəfə 2008/2009 mövsümündə yaşanıb.

Cari mövsümün yarımfinalında “Neftçi” ilə “Turan Tovuz”un duellərində tərəflər evdə (0:1, 2:0) qalib gəliblərsə, “Qəbələ” “Səbail”i hər iki matçda (3:2, 1:0) məğlub edib.

2008/2009 mövsümündə isə “Qarabağ” “Bakı”nı iki dəfə (2:1, 2:1) üstələyib, “İnter”lə “Qəbələ” isə ev görüşündə (5:0, 0:2) qalib gəlib.

Sonrakı mövsümlərdə yarımfinal mərhələsində ən azı bir matç “sülh”lə tamamlanıb.

Koronavirus pandemiyası səbəbindən yarımçıq qalan 2019/2020 mövsümündə yarımfinal cütləri müəyyənləşsə də, qarşılaşmalar baş tutmayıb.