“Liverpul” 2 transferə 200 milyon avro xərcləyə bilər

“Liverpul” “Napoli”nin iki futbolçusunu – yarımmüdafiəçi Xviça Kvaratsxeliya və hücumçu Viktor Osimheni almaqda maraqlıdır.

Komanda.az “Gazzetta dello Sport”-a istinadən xəbər verir ki, hər iki futbolçunun transferi İngiltərə klubuna ən azı 200 milyon avroya başa gələcək. “Qırmızılar” futbolçuları 2023-cü ilin yayında transfer etməyi planlaşdırır.

Bu mövsüm “Napoli” İtaliya A Seriyasında liderdir və Çempionlar Liqasının pley-off mərhələsinə vəsiqə qazanıb. “Liverpul” isə ÇL-də qrupu ikinci yerdə tamamlayıb.

Neapolluların heyətində Kvaratsxeliya 17 matçda 8 qol vurub və 10 məhsuldar ötürmə verib. 23 yaşlı Osimhen İtaliya çempionatının bombardiridir və bütün yarışlarda 14 matçda 10 qol vurub.

Bizi Telegramda izləyin