“Nəsə çatışmırdı” – Arteta

“Arsenal”ın baş məşqçisi Mikel Arteta Avropa Liqasının qrup mərhələsinin 4-cü tur matçında PSV üzərində qazanılan qələbəni şərh edib.

Komanda.az İngiltərə mətbuatına istinadən xəbər verir ki, ispaniyalı məşqçi oyundan razı qaldığını deyib:

“Bu gün artıq növbəti mərhələyə vəsiqə qazandıq. Bu bizim ilk addımımızdır. İstədiyimiz nəticəni əldə etdiyimiz üçün çox şadıq və indi növbəti vəzifəmiz qrupu birinci yerdə bitirməkdir. Ümumiyyətlə, komandanın oyunundan razıyam.

Uşaqlar PSV-yə qarşı yaxşı oyun nümayiş etdirdilər. Bizim açıq-aydın üstünlük təşkil etdiyimiz görünürdü. Ancaq son hərəkətlərdə, xüsusən də, rəqibin cərimə meydançasında işləmək baxımından nəsə çatışmırdı”.

PSV ilə görüşdə londonlulara qələbəni 71-ci dəqiqədə Qranit Cakanın vurduğu yeganə qol gətirib.

Dörd turdan sonra “Arsenal”ın 12, PSV-nin 7, “Bude-Qlimt”in 4, “Sürix”in isə 0 xalı var.

Bizi Telegramda izləyin