Pavel Paşayev liderə qarşı 90 dəqiqə oynadı

Futbol üzrə Ukrayna Premyer Liqasında 28-ci turun oyunları keçirilib.

Komanda.az xəbər verir ki, Azərbaycan yığmasının müdafiəçisi Pavel Paşayevin formasını geyindiyi “Aleksandriya” da növbəti matçına çıxıb.

Sözügedən kollektiv səfərdə lider Donetsk “Şaxtyor”u ilə üz-üzə gəlib. Futbolçumuzun komandası bu oyundan məğlubiyyətlə ayrılıb – 1:2.

Paşayev də bu görüşün iştirakçısı olub. Millimizin üzvü start heyətdə meydana çıxıb və sonadək mübarizə aparıb.

“Aleksandriya” hazırda çempionluq uğrunda mübarizə aparan ilk altılıqda 48 xalla 3-cü pillədə qərarlaşıb.