“Poqba hər futbolçunun “Real”da oynamaq istədiyini deyib, ancaq…” – Sulşer

“Mançester Yunayted”in baş məşqçisi Ole-Qunnar Sulşer, futbolçusu Pol Poqbanın “Real”a transfer olunacağı iddialarıyla bağlı danışıb.

Komanda.az xarici mətbuata istinadən xəbər verir ki, norveçli mütəxəssis, Poqbanın komandada xoşbəxt olduğunu deyib:

“Poqba “Mançester Yunayted”də xoşbəxtdir və yaxşı oyun sərgiləyir. Milli komandaların oyunlarıyla bağlı yaranan fasilədə mən də “Real”a transfer olunacağıyla bağlı iddialar eşitdim. Poqba, hər futbolçunun “Real”da oynamaq istədiyini deyib, ancaq özünü vurğulamayıb. Biz ona inanırıq və o da burda xoşbəxtdir”.

İspaniya mətbuatı Poqbanın yay transfer pəncərəsi dövründə 145 milyon avro qarşılığında “Real”a keçəcəyini iddia edir.