“Milan” futbolçusunu buraxmaq istəmir – 7 milyon avroluq təklif

İtaliyanın “Milan” klubu qapıçısı Canluici Donnarumma ilə yeni müqavilə imzalamaq niyyətindədir.

Komanda.az İtaliya mətbuatına istinadən xəbər verir ki, “qırmızı-qaralar” 21 yaşlı futbolçuyla danışığı davam etdirir. Məlumata görə, klub qolkiperə yeni müqavilə ilə illik 7 milyon avro məvacib təklif edir. Daha əvvəl isə Donnarummanın 7,5 milyon avro məvacib tələb etdiyi deyilirdi.

İtaliyalı futbolçunun xidmətində “Yuventus” da maraqlıdır.

Donnarummanın “Milan”la müqaviləsi cari mövsümün sonunda başa çatacaq.