Əsgərovun komandası Avroliqada İsveç klubu ilə bacarmadı

Futbol üzrə Avropa Liqasında 2-ci təsnifat mərhələsinin ilk oyunları keçirilir.

Komanda.az xəbər verir ki, Azərbaycan milli komandasının sabiq hücumçusu Vüqar Əsgərovun formasını geyindiyi Latviyanın “Liepaya” klubu da bu turnirdə növbəti matçına çıxıb.

Sözügedən kollektiv səfərdə İsveçin “Norçöpinq” klubu ilə üz-üzə gəlib. “Bakı”nın sabiq baş məşqçisi Aleksandr Starkovun çalışdırdığı futbolçumuzun komandası bu oyundan məğlubiyyətlə ayrılıb – 0:2.

Vüqar bu görüşün iştirakçısı olmayıb. Starkov millimizin sabiq forvardını sonadək ehtiyatda saxlayıb.

Bu komandalar arasındakı cavab qarşılaşması bir həftə sonra Latviyada baş tutacaq.

Bizi Telegramda izləyin

Bizi Facebook-da izləyin

Əlaqəli yazılar

Back to top button