Depayın taleyi Dembeledən asılıdır

“Barselona”nın “Lion”un futbolçusu Memfis Depayı transfer etmək istədiyini xəbər vermişdik.

Komanda.az İspaniya mətbuatına istinadən xəbər verir ki, Kataloniya klubu 26 yaşlı futbolçuyla şəxsi razılıq əldə edib. Lakin maliyyə məsələləri səbəbiylə klublar anlaşa bilməyiblər. Məlumata görə, Depayın transferi “Barselona”nın futbolçusu Osman Dembeledən asıldır. Belə ki, İspaniya klubu Dembeleni satacağı halda Depay üçün rəsmi danışıqlara start verəcək.

Dembele ilə İngiltərənin “Mançester Yunayted” klubu yaxından maraqlanır.

2017-ci ildən “Lion”da çıxış edən Depayın fransızlarla müqaviləsi bu mövsümün sonunda başa çatır.