ÇL-in final matçının hakimləri açıqlandı

Almaniyanın “Bavariya” və Fransanın PSJ komandaları arasında keçiriləcək UEFA Çempionlar Liqasının final matçının hakimləri açıqlanıb.

Komanda.az UEFA-nın rəsmi saytına istinadən xəbər verir ki, qarşılaşma İtaliyadan olan hakimlər briqadasına həvalə edilib.

Əsas referi Daniel Orsatoya, yan xətt hakimləri Lorentso Manqanelli və Alessandro Callatini yardımçı olacaq.

4-cü hakim funksiyasını Ovidiu Hateqan yerinə yetirəcək.

Qeyd edək ki, avqustun 23-də keçiriləcək PSJ – “Bavariya” matçına Bakı vaxtı ilə saat 23:00-da start veriləcək.