“Real” “Milan”dakı futbolçusunu geri qaytardı – Rəsmi

“Real” icarə əsasında “Milan”da çıxış edən Brahim Diasla bağlı qərar verib.

Komanda.az xəbər verir ki, Madrid təmsilçisi 23 yaşlı yarımmüdafiəçini geri qaytarıb. Bu barədə “kral klubu”nun rəsmi saytı məlumat yayıb.

İspan futbolçu növbəti mövsümdən etibarən “Real”da çıxış edəcək. Madrid klubu onun müqaviləsinin müddətini 2027-ci ilin yayına kimi uzadıb.

“Real” Diası 2019-cu ilin yanvar ayında “Mançester Siti”dən transfer edib. İspaniya millisinin üzvü son üç mövsümü icarə əsasında “Milan”da keçirib.