“Qarabağ” – “Neftçi” oyununun biletləri 1 manata

Azərbaycan Premyer Liqasının 4-cü turunda keçiriləcək “Qarabağ” – “Neftçi” oyununun biletləri sabah satışa çıxarılacaq.

Komanda.az klubun “facebook” səhifəsinə istinadən xəbər verir ki, oyunun biletləri paytaxt klubunun azarkeşləri üçün sabah 17:00-dan etibarən Tofiq Bəhramov adına Respublika stadionunun kassalarında satışa çıxarılacaq. Biletlərin qiyməti 1 manatdır.

Hazırda stadionun kassalarında Avropa Liqasının qrup mərhələsi çərçivəsində keçiriləcək “Sevilya” ilə oyunun bilet satışı da davam etdiyi üçün kassaların yalnız birində “Neftçi” ilə oyunun biletləri satışa çıxarılacaq.

Bir neçə gün əvvəl bu oyunun biletlərinin qiymətinin 51 manata olacağı ilə bağlı xəbərlər yayılmışdı.

“Qarabağ” – “Neftçi” matçı sabah, saat 20:30-da start götürəcək.