Premyer Liqa klubundan kapitanı ilə yeni müqavilə

İngiltərənin “Everton” klubu kapitan Şeymus Koulmen ilə müqavilənin müddətini artırıb.

Komanda.az xəbər verir ki, bu barədə Premyer Liqa təmsilçisinin rəsmi saytı məlumat yayıb.

32 yaşlı futbolçu ilə yeni müqavilə 2023-cü ilin yayına kimidir. Əvvəlki sözləşmənin müddəti 2022-ci ilin yayında bitəcəkdi.

Koulmen 2009-cu ildən “Everton”un uğurları üçün çalışır. İrlandiyalı futbolçu bu komandanın heyətində bütövlükdə 350 matça çıxıb, 26 qol vurub.