Müller tarixi rekordu təkrarladı

“Bayern” Almaniya kubokunun 1/8 finalında “Maynts”ı məğlub edib (4:0).

Komanda.az xarici KİV-ə istinadən xəbər verir ki, həmin matç Münhen təmsilçisinin hücumçusu Tomas Müller üçün əlamətdar olub.

33 yaşlı almaniyalı futbolçu turnir tarixində hamıdan çox – 53-cü dəfə qələbə qazanıb. O, “Verder”in sabiq yarımmüdafiəçisi Mirko Votavunu qabaqlayıb.

Eyni zamanda, Tomas Müller Almaniya kubokunda çıxış etdiyi oyunların sayına görə (63) Münhen klubunun heyətində qapıçı Zepp Mayerin rekordunu təkrarlayıb.