Keçmiş futbolçu klub rəhbərliyini tənqid etdi: “Şokolad çöpdən hazırlana bilməz”

“Ayaks”ın sabiq müdafiəçisi Ronald de Bur klub rəhbərliyini cari mövsümdə uğursuz nəticələrə görə kəskin tənqid edib.

Komanda.az “Marca”-ya istinadən xəbər verir ki, keçmiş futbolçu “Ayaks”a görə narahat olduğunu bildirib:

“Komandaya bu qədər oyunçuları cəlb etmək və onların ən yüksək səviyyədə çıxış edəcəklərini düşünməyin mənası yoxdur. Bu sərt səslənə bilər, amma şokolad çöpdən hazırlana bilməz. Mən situasiyadan çox narahatam, bunun hara aparacağını bilmirəm”.

“Ayaks” Niderland çempionatında keçirdiyi 6 oyundan sonra cəmi 5 xalla 16-cı yerdədir.