“Kəpəz” Premyer Liqaya hazırlığı harda keçirəcək? – açıqlama

“Futbolçularımız sonuncu oyundan sonra istirahətə buraxılıblar. Yay toplanışı ilə bağlı dəqiq məlumat yoxdur”.

Bu sözləri Komanda.az-a açıqlamasında “Kəpəz” klubunun mətbuat xidmətinin rəhbəri Azad Mustafayev deyib. O, klubla bağlı müəyyən məsələlərin yaxın günlərdə açıqlanacağını bildirib:

“Komandanın yay toplanışı ilə bağlı dəqiq bir məlumat yoxdur. Bir neçə gün içərisində ictimaiyyətə ətraflı məlumat veriləcək”.

Mustafayev, baş məşqçi ilə bağlı məsələyə də yaxın günlərdə aydınlıq gələcəyini deyib:

“Hazırda komandanın baş məşqçisi Yaşar Vahabzadədir. Dəyişiklik olsa, məlumat veriləcək. Yaxın günlərdə bütün məsələlərə aydınlıq gələcək”.

“Kəpəz” qarşıdakı mövsümdə Azərbaycan Premyer Liqasında çıxış edəcək.

Bizi Telegramda izləyin

Mehri Qurban