“İmişli”də yeni futbolçu

“İmişli” heyətini yeni futbolçu ilə gücləndirib.

Bu barədə Komanda.az-a klubun mətbuat xidmətindən bildirilib.

25 yaşlı yarımmüdafiəçi Orxan Fərəcovla müqavilə imzalanıb.

Fərəcov karyerası ərzində “Şamaxı-2”, “Keşlə”, “Səbail” klublarının uğurları üçün çalışıb. Legioner həyatı da yaşayan yarımmüdafiəçi Polşanın “KS CK Troszyn” və “Narew Ostrołęka” komandalarında çıxış edib.

Futbolçunun son klubları “Baku Sportinq” və “Şahdağ” olub.