Sabiq futbolçu hakimlikdən narazıdır

“Nyukasl”ın sabiq hücumçusu Alan Şirer İngiltərə futbolundakı hakimliyin hazırkı vəziyyətindən narazılığını bildirib. O, bu haqda Premyer Liqanın 31-ci turundakı “Mançester Yunayted”lə “Bornmut” arasındakı oyundan (2:2) sonra danışıb.

Komanda.az BBC-yə istinadən xəbər verir ki, sabiq futbolçu bunu deyib:

“Hazırkı hakimlik uzun müddətdir gördüyümüz ən pis hakimlikdir və getdikcə daha da pisləşir. Hakimlər VAR-a çox güvənirlər. Bu isə indi hakimlik standartlarına təsir göstərir və yaxşı görünmür”.

“Mançester Yunayted” 1:0 hesabıyla irəlidə olarkən, 67-ci dəqiqədə “qırmızı şeytanlar”ın hücumçusu Amad Diallo cərimə meydançasına daxil olub və rəqib müdafiəçi Adrien Truffer onu itələyib. Hakim Stüart Atvell qayda pozuntusu qeydə almayıb və bu da tənqidlərə səbəb olub.