PSJ-nin qapıçısı milli karyerasını bitirdiyini açıqlayıb

PSJ-nin qapıçısı Keylor Navas Kosta-Rika millisindəki karyerasını başa vurduğunu açıqlayıb.

Komanda.az xarici KİV-ə istinadən xəbər verir ki, o, bunu deyib:

“Həyatımın məğlubiyyətlərlə və qələbələrlə dolu olan bu fəsli başa çatdı. Mən kiçik bir əraziyə, lakin nəhəng ruha malik sevimli Kosta-Rikamızın adını özümlə apararaq, minnətdarlıqla və irəliyə baxan bir ürəklə ayrılıram”.

37 yaşlı qolkiperin PSJ ilə müqaviləsi 2024-cü ilin yayında başa çatır.