Elxan Məmmədov Kolumbiya səfiri ilə görüşdü

Bu gün AFFA-nın inzibati binasında icraçı vitse-prezident Elxan Məmmədov və vitse-prezident Rauf Əliyev Kolumbiyanın ölkəmizdəki səfiri Antonio Dimate Kardenasla görüşüb.

Komanda.az xəbər verir ki, bu barədə federasiyanın rəsmi saytı məlumat yayıb.

Görüşdə iki ölkənin futbol qurumları arasında qarşılıqlı əməkdaşlıq, gənclərdən ibarət komandalar arasında yoldaşlıq oyunlarının keçirilməsi barədə fikir mübadiləsi aparılıb, əməkdaşlığın perspektivləri müzakirə olunub.