“Benfika” Di Maria ilə müqaviləni yeniləmək istəyir

“Benfika”nın yarımmüdafiəçisi Anxel Di Maria klubda qala bilər.

Komanda.az xarici KİV-ə istinadən xəbər verir ki, Lissabon klubu argentinalı futbolçu ilə müqaviləni 2025-ci ilin yayına qədər uzatmaq niyyətindədir. Hazırkı müqavilənin müddəti bu ilin yayına qədərdir.

36 yaşlı yarımmüdafiəçi bu mövsüm 41 oyun keçirib, 15 qol vurub və 12 məhsuldar ötürmə edib.