“Barselona” dünya çempionunu transfer etməyəcək

“Benfika”nın müdafiəçisi Nikolas Otamendi bu qış “Barselona”ya keçməyəcək.

Komanda.az “CNN Portugal”-a istinadən xəbər verir ki, 37 yaşlı futbolçunun yanvar transfer pəncərəsində kataloniyalıların hədəflərindən biri olduğu iddia edilsə də, bu söz-söhbətlərin real əsası olmadığı görünür.

“Barselona” argentinalı futbolçunun transferində maraqlı deyil və müdafiə xətti üçün digər variantları nəzərdən keçirir.

Otamendinin “Benfika” ilə müqaviləsinin müddəti 2026-cı ilin ortalarına qədərdir. Bu səbəbdən, “qartallar”ın kapitanı yanvarda daha münasib qiymətə əldə oluna bilər.

Argentina millisinin heyətində dünya çempionu olan Otamendi fevralda 38 yaşını qeyd edəcək.