Azərbaycanlı hakimlər Türkiyə millisinin oyununa təyinat alıblar

Azərbaycanın futzal üzrə FİFA referiləri Hikmət Qafarlı, Knyaz Əmiraslanov və Əli Cəbrayılov beynəlxalq təyinat alıblar.

Komanda.az AFFA-nın rəsmi saytına istinadən xəbər verir ki, ədalət təmsilçiləri AÇ-2026-nın əsas mərhələsinin 3-cü qrupunda keçiriləcək Türkiyə – Slovakiya oyununu idarə edəcəklər.

Qarşılaşma martın 12-də Türkiyənin Ərzincan şəhərində keçiriləcək.

Matçın birinci hakimi Qafarlı, ikinci hakimi Əmiraslanov, üçüncü hakimi Cəbrayılov olacaq.