“Real” “Qarabağ”ın rəqibinin oyunçusu ilə maraqlanır

“Real”ın prezidenti Florentino Peres “Liverpul”un vingeri Rio Nqumohaya maraq göstərir.

Komanda.az “Defensa Central”-a istinadən xəbər verir ki, İspaniya təmsilçisinin rəhbəri 17 yaşlı istedadın böyük pərəstişkarıdır.

Maraqlıdır ki, gənc futbolçunun özü də “Real” azarkeşi hesab olunur.

Rio Nqumoha ötən həftə “Nyukasl”a (3:2) qarşı Premyer Liqa oyununda debüt edib və qələbə qolunu vuraraq tarixə düşüb. O, Premyer Liqada “Liverpul”un qol vuran ən gənc oyunçusu adını qazanıb.

“Liverpul” UEFA Çempionlar Liqasında “Qarabağ”ın rəqiblərindən biridir.