“Araz-Naxçıvan”ın sonuncu oyununda qol vurulmadı

“Araz-Naxçıvan” yeni mövsümün hazırlığı çərçivəsində bu gün növbəti yoxlama oyunu keçirib.

Komanda.az xəbər verir ki, sözügedən komanda Ərzurumda Küveytin “Əl-Ərəbi” klubu ilə üz-üzə gəlib.

Matçda qapılara qol vurulmayıb – 0:0. “Qırmızı-ağlar” ilk matçında isə Türkiyənin “Alanyaspor” komandası ilə 1:1 hesablı heç-heçə edib.

Bununla da təlim-məşq toplanışını yekunlaşdıran “Araz-Naxçıvan” sabah – iyulun 25-də Bakıya dönəcək.