“Araz-Naxçıvan”ın yoxlama matçı keçirəcəyi rəqiblər məlum olub

Təlim-məşq toplanışını Türkiyənin Ərzurum şəhərində davam etdirən “Araz-Naxçıvan”ın yoxlama matçı keçirəcəyi rəqiblərin adına aydınlıq gəlib.

Komanda.az klubun mətbuat xidmətinə istinadən xəbər verir ki, Naxçıvan təmsilçisi iyulun 21-də Küveytin “Əl-Ərəbi” klubu ilə gücünü sınayacaq.

Elmar Baxşıyevin baş məşqçisi olduğu komanda daha sonra Özbəkistanın “Soqdiana” klubunu sınağa çəkəcək. Bu görüş iyulun 24-də baş tutacaq.

“Qırmızı-ağlar” toplanışı iyulun 25-də yekunlaşdırıb Bakıya dönəcək və 2 günlük istirahətdən sonra “Qarabağ”la oyunun hazırlığına başlayacaq.