“Real” Mbappenin transferini elan etməyə hazırlaşır

“Real” Kilian Mbappenin transferi üçün PSJ ilə danışıqlarda əhəmiyyətli irəliləyiş əldə edib.

Komanda.az “Marca”-ya istinadən xəbər verir ki, Madrid klubu futbolçunun keçidini iki həftə ərzində başa çatdıra biləcəklərinə əmindir. Tərəflər danışıqlarda müsbət irəliləyiş əldə edirlər.

Məlumatda bildirilir ki, fransalı forvard Madrid komandası ilə ABŞ turuna da gedə bilər.

PSJ Mbappeni 2017-ci ilin avqustunda “Monako”dan icarəyə götürüb və bir il sonra futbolçunu 180 milyon avroya alıb. O, 2022/23 mövsümündə PSJ-nin heyətində bütün yarışlarda 43 matçda 41 qol vurub və 10 məhsuldar ötürmə edib.

Mbappenin klubla müqaviləsi 2024-cü ilin iyun ayının sonuna kimi qüvvədədir.