Klopp: “Klubun əfsanələri ilə vidalaşırıq”

“Liverpul”un baş məşqçisi Yurgen Klopp Roberto Firmino, Nabi Keyta, Ceyms Milner və Aleks-Oksleyd Çemberlenin klubu tərk etməsinə münasibət bildirib.

Komanda.az “Sky Sports”-a istinadən xəbər verir ki, o, klubun əfsanələrlə vidalaşdığını deyib:

“Bu həftə onlarla danışdıq. Bu, bizim üçün çox vacib, eyni zamanda, olduqca duyğusal andır. Nə üçün? Çünki klubun əfsanələri ilə vidalaşırıq.

Mən “Liverpul”un baş məşqçisi təyin olunanda onlardan ikisi – Milli (Milner) və Bobbi (Firmino) komandada idi. Son illərdə yaşadığımız bütün yaxşı şeylər onlarsız baş vermədi”.

“Qırmızılar” mayın 17-də adıçəkilən futbolçularla vidalaşacağını açıqlamışdı.

Mersisayd təmsilçisi hazırda İngiltərə Premyer Liqasının turnir cədvəlində 65 xalla beşinci pillədə yer alır. Onlar 37-ci turda “Aston Villa” ilə qarşılaşacaqlar.