Houya hələ də inanırlar

“Nyukasl”ın baş məşqçisi Eddi Hou cari mövsümdəki qeyri-sabit nəticələrə baxmayaraq, rəhbərliyin etimadını qoruyur.

Komanda.az xəbər verir ki, bu barədə “Daily Mail Sport” məlumat yayıb.

“Sağsağanlar” xüsusilə, “Sanderlend”lə ev oyunundakı məğlubiyyətdən (1:2) sonra ciddi təzyiq altında olan mütəxəssisə inanmağa davam edir. Yay transfer pəncərəsində komandada genişmiqyaslı heyət dəyişikliyi planlaşdırılır. Klub rəhbərliyi komandanı yenidən quraraq daha güclü heyət formalaşdırmaq niyyətindədir.

Eddi Hou 2021-ci ildən “Nyukasl”ı çalışdırır. Onun komandası Premyer Liqada 31 turdan sonra topladığı 42 xalla turnir cədvəlinin 12-ci pilləsində qərarlaşıb.