PSJ-dən mövsümün son matçında 5 cavabsız qol

Bu gün Fransa Liqa 1-də sonuncu turun oyunları keçirilib.

Komanda.az xəbər verir ki, turun bütün oyunları eyni gündə keçirilib və eyni saatda başlayıb.

Çempionluğu təmin edən PSJ-ni bu tur “Mets” ilə oyun gözləyirdi. Kilian Mbappenin het-trik etdiyi oyunda komandası 5 cavabsız qola sevinib.

İkinci yer uğrunda mübarizə aparan “Marsel”lə “Monako” bir-birinin büdrəməsinə ümid edirdi. “Monako” səfərdə “Lans”la qarşılaşıb. Dörd qolun qeydə alındığı bu matç heç-heçə bitib. “Marsel” isə “Strasburq”la oyunda darmadağınla qalib gələrək ikinci pilləyə yüksəlib. “Monako” isə üçüncü yerlə kifayətlənib. Beləcə, çempion PSJ ilə yanaşı, “Marsel” və “Monako” Fransanı UEFA Çempionlar Liqasında təmsil etmək hüququ qazanıb.

“Renn” mövsümün son turunda ötən mövsümün qalibi “Lill” ilə üz-üzə gəlib. Dörd qolluq bu qarşılaşmada qalib müəyyənləşməyib. Xalını 66-ya çatdıran “Renn” mövsümü 4-cü pillədə bitirib və Avropa Liqasının qrup mərhələsinə vəsiqə əldə edib. Son turda səfərdə “Reyms”ə qalib gələn “Nitsa” da mövsümü 66 xalla bitirib. Lakin daha yaxşı göstəricilərə malik “Renn” öndə qərarlaşıb. Beləcə, 5-ci yerlə kifayətlənən “Nitsa” Fransanı Avropa Konfrans Liqasında təmsil etmək hüququ qazanıb.

31 xalla son iki pillədə qərarlaşan “Mets” və “Bordo” klubları Liqa 1 ilə vidalaşıblar. 32 xalla 18-ci olan “Sent-Etyen” isə elitada qalmaq üçün pley-off oynayacaq.

Fransa Liqa 1, 38-ci tur

21 may

Anje – Monpelye 2:0
Qol
: Manqani, 45+1. Laqe, 67.

Brest – Bordo 2:4
Qol
: Munye, 16. Belaili, 34 – Manqas, 14. Mara, 32; 73. Dilrosun, 75.

Klermon – Lion 1:2
Qol
: Bayo, 59 – Dembele, 26. Auar, 49.

Lans – Monako 2:2
Qol
: Frankovski, 30. Qanaqo, 90+5 – Badiaşile, 34. Ben Yedder, 62.

Lill – Renn 2:2
Qol
: Vea, 11; 88 – Buriqe, 41. Jirassi, 90+2.

Loryan – Trua 1:1
Qol
: Loryente, 74 – Tuzqar, 22.

Marsel – Strasburq 4:0
Qol
: Jerson, 32; 89. C.Ünder, 73. Bakambu, 90+2.

Nant – Sent-Etyen 1:1
Qol
: Blas, 23 – Hamuma, 79.

PSJ – Mets 5:0
Qol
: Mbappe, 25; 28; 50. Neymar, 31. Di Mariya, 67.

Reyms – Nitsa 2:3
Qol
: Ekitike, 9. Dumbiya, 17 – Delor, 75-pen; 77; 82.

Bombardir: Kilian Mbappe (PSJ) – 29 qol.