Ronaldodan keçmiş komanda yoldaşının oğluna hədiyyə – FOTO

“Əl-Nəsr”in hücumçusu Kriştiano Ronaldo “Real”da sabiq komanda yoldaşı olmuş Marselonun oğluna Milad hədiyyəsi göndərib.

Komanda.az xəbər verir ki, 38 yaşlı forvard uşağa imzalı formasını bağışlayıb.

Marselonun oğlu isə Ronaldonun jestinə belə cavab verib: “Çox sağ ol, Kriştiano Ronaldo! Mən səni sevirəm, sən mənim kumirimsən”.

Ronaldo 2022-ci ilin dekabrında Səudiyyə Ərəbistanının “Əl-Nəsr” klubuna keçib. O, bu komandada 42 oyuna çıxıb və 35 qol vurub.