“Qarabağ”ın futbolçusu uzun müddətə sıradan çıxıb

Azərbaycan millisinin və “Qarabağ”ın qapıçısı Şahrudin Məhəmmədəliyevin durumuna aydınlıq gəlib. 

DÇ-2026-nın seçmə mərhələsinin Fransa ilə Bakıdakı matçının (1:3) ilk hissəsində zədələnən Məhəmmədəliyev fasilədə Aydın Bayramovla əvəzlənmişdi. 

Komanda.az xəbər verir ki, Məhəmmədəliyev iki aya yaxın müddətdə yaşıl meydandanlardan uzaq qalmalı olacaq.

O, qasıq nahiyyəsindən zədələnib və əməliyyat ediləcəyi gözlənilir.