ÇL: “Biz onların həqiqətən yaxşı komanda olduğunu bilirdik” – De Yonq

PSV-nin kapitanı Luk de Yonq Çempionlar Liqasının qrup mərhələsinin 1-ci turunda “Arsenal”a məğlubiyyət (0:4) haqqında danışıb.

Komanda.az UEFA-nın mətbuat xidmətinə istinadən xəbər verir ki, niderlandlı futbolçu oyunla bağlı bunları söyləyib:

“Biz onların həqiqətən yaxşı komanda olduğunu bilirdik. Onlara təzyiq göstərməyə çalışsaq da, erkən iki qol buraxdıq. Sonra nəzarətimizi bir az da təkmilləşdirdik. Lakin onlar üçüncü qolu vurdular və sonra başa düşdük ki, oyun başa çatıb”.

B qrupuna 3 xalla “Arsenal” başçılıq edir. PSV sonuncudur (0 xal).