“Neftçi”nin futbolçusu 3 aylıq sıradan çıxdı – əməliyyat olunacaq

Avropa Konfrans Liqasının 3-cü təsnifat mərhələsi çərçivəsində avqustun 11-də keçirilmiş “Rapid”lə (Vyana, Avstriya) səfər matçının ilk hissəsində zədələnərək əvəzlənən “Neftçi”nin futbolçusu Azər Salahlı bu gün müayinədən keçib.

Komanda.az xəbər verir ki, bu barədə klubun rəsmi saytı məlumat yayıb.

Həkimlərin rəyinə görə, 28 yaşlı müdafiəçi 5-ci ayaqdarağı sümüyünün qırığı diaqnozu ilə əməliyyat olunmalıdır. Cərrahi əməliyyat yaxın günlərdə klubun sağlamlıq sponsoru olan xəstəxanaların birində həyata keçiriləcək. Salahlı təxminən 3 ay ərzində meydandan kənarda qalacaq.