Çempionluq bayramında silahlar işə düşdü FOTOLAR

Libertadores kubokunun final matçında “River Pleyt”i məğlub edərək (2:1), qalib olan “Flamenqo” klubu çempionluğunu Braziliyada təntənəli şəkildə qeyd edib.

Komanda.az xarici mətbuata istinadən xəbər verir ki, tədbirlərdə 100 mindən çox insan iştirak edib. Rio-de-Janeyro şəhərində keçirilən qələbə bayramı zamanı insident yaşanıb.

Çempionluq sevincini qeyd edən “Flamenqo”lu azarkeşlərlə polislər arasında qarşıdurma yaranıb. Yerli polisin azarkeşləri sakitləşdirmək üçün silahlardan istifadə etdiyi bildirilir.