Konfrans Liqasının qalibi bəlli oldu

Konfrans Liqasının qalibi müəyyənləşib.

Komanda.az xəbər verir ki, həlledici matçda “Kristal Pelas” (İngiltərə) “Rayo Valyekano” (İspaniya) ilə qarşılaşıb.

Almaniyanın Leyptsiq şəhərindəki “Red Bull Arena”da keçirilən görüş “Kristal Pelas”ın 1:0 hesablı qələbəsi ilə bitib. Beləliklə, İngiltərə təmsilçisi Konfrans Liqasının qalibi olub.

Xatırladaq ki, reqlamentə əsasən, sözügedən kuboka sahib çıxan komanda növbəti mövsüm üçün Avropa Liqasının Liqa mərhələsində iştirak hüququ qazanır.

Konfrans Liqası, final

27 may

Kristal Pelas (İngiltərə) – Rayo Valyekano (İspaniya) 1:0
Qol: Mateta, 51.