İngiltərə klubu Rodriqo üçün 60 milyon avro təklif edə bilər

“Real”ın vingeri Rodriqonu İngiltərə Premyer Liqası klublarından “Liverpul” təqib edir.

Komanda.az “Defensa Central”-a istinadən xəbər verir ki, mersisaydlılar 24 yaşlı braziliyalı futbolçu üçün 50-60 milyon avro təklif edə bilər.

Rodriqo “Liverpul”dakı gələcəyi hələlik məlum olmayan misirli hücumçu Məhəmməd Salahı əvəz edə bilər.

Braziliyalı vingerin “kral klubu” ilə 2028-ci ilin ortalarına qədər olan müqaviləsi var. O, bu mövsüm “Real”la 21 matçda meydana çıxıb, 2 qol vurub və 4 məhsuldar ötürmə edib.