Sabiq futbolçu Ronaldonun 90 dəqiqə oynamamalı olduğunu düşünür

“Mançester Yunayted”in sabiq müdafiəçisi Rio Ferdinand, Portuqaliya millisinin baş məşqçisi Roberto Martinesin hücumçu Kriştiano Ronaldo ilə oyun vaxtı barədə açıq danışmalı olduğunu düşünür.

Komanda.az “The Athletik”-ə istinadən xəbər verir ki, o, Ronaldonun Özbəkistan millisinə qarşı bütün oyunu keçirməsinə ehtiyac olmadığını bildirib:

“Desək ki, uzun turnirdəyik, qalan oyunlarda sağlam və formada olmaq vacibdir. Düşünürəm ki, Ronaldo bunu anlayacaq”.

Portuqaliya millisi artıq dünya çempionatında pley-off mərhələsinə vəsiqəni təmin edib və qrup mərhələsinin son turunda liderlik uğrunda Kolumbiya yığması ilə qarşılaşacaq.