Eşli Yanq karyerasını bitirir

“Mançester Yunayted”in və “Aston Villa”nın keçmiş müdafiəçisi Eşli Yanq karyerasını bitirəcəyini açıqlayıb.

Komanda.az xəbər verir ki, hazırda “İpsviç”də çıxış edən 40 yaşlı futbolçu sosial şəbəkə hesabında sabah Çempionşipdə QPR-lə oyunun onun üçün sonuncu olacağını bildirib:

“Bu, yalnız uşaq vaxtı arzuladığım bir səyahət idi. Amma bu arzum sona çatmalıdır və sabah keçiriləcək oyun peşəkar karyeramın sonuncu matçı ola bilər. 23 il və final! Davamı var”.

Eşli Yanq “Mançester Yunayted”lə İngiltərə Premyer Liqasını, UEFA Avropa Liqasını, Federasiya kubokunu və superkuboku qazanıb, həmçinin, “İnter”lə skudettonun qalibi olub.