Di Mariyanın yeni klubu bəlli oldu

“Yuventus”dan ayrılan Anxel Di Mariyanın yeni klubu bəlli olub.

Komanda.az xəbər verir ki, argentinalı yarımmüdafiəçi Portuqaliyanın “Benfika” klubuna keçib. Bu barədə klubun rəsmi saytı məlumat yayıb.

Azad agent olan oyunçu ilə 1+1 illik müqavilə imzalanıb.

35 yaşlı futbolçu 2007-2010-cu illərdə də “Benfika”da çıxış edib. O, “Yuventus”a ötən ilin yayında qoşulmuşdu.