Ouenin indiyədək gördüyü ən yaxşı mərkəz müdafiəçisi

“Liverpul”un sabiq hücumçusu Maykl Ouen Mersisayd klubunun müdafiəçisi Vircil van Dayk haqda fikirlərini bölüşüb.

Komanda.az İngiltərə mətbuatına istinadən xəbər verir ki, o, Van Daykın ən yaxşı mərkəz müdafiəçisi olduğunu deyib:

“Düşünürəm ki, van Dayk indiyə qədər gördüyüm ən yaxşı mərkəz müdafiəçisidir. Onu digərlərindən fərqləndirən nədir? Çox güman ki, həm də qol vurması. Çox deyil, amma ən böyüklərdən danışırıq. Rio Ferdinand birlikdə oynadığım ən yaxşı mərkəz müdafiəçisi idi. Amma van Dayka baxaraq düşünürəm: “Ona qarşı ümumiyyətlə nə etmək olar?”

O, ən böyük, ən sürətli, ən güclüdür. Vircil topla əla hərəkət edir, qol vurur. Mən heç vaxt belə bir şey görməmişəm. Hazırda onun yeganə zəif nöqtəsi kuboklardır. Van Dayk yalnız bir Premyer Liqa və bir Çempionlar Liqası kuboku qazanıb”.

Bizi Telegramda izləyin