Sabiq futbolçu “Mançester Siti”nin qələbəsi haqda: “Çox vacib uğurdur”

“Mançester Siti”nin sabiq qapıçısı Co Hart komandanın İngiltərə Premyer Liqasının son turunda səfərdə “Liverpul”la oyunu (2:1) haqda fikirlərini bölüşüb.

Komanda.az “BBC Sport”-a istinadən xəbər verir ki, o, bu qələbənin böyük mənəvi əhəmiyyətə malik olduğuna inanır:

“Bəli, bu, cəmi üç xaldır, amma mənəvi baxımdan bu, çox vacib bir uğurdur. Bu, “Mançester Siti”nin hələ də çempionluq uğrunda mübarizə apardığına dair bir işarədir, baxmayaraq ki, çoxu buna şübhə ilə yanaşırdı. Amma eyni zamanda, komandanın qarşıda daha vacib oyunları var və bu barədə düşünməyə başlamağın vaxtıdır”.

“Şəhərlilər” lider “Arsenal”dan 6 xal geridədir.