“Barselona” yetirmələrinin müqavilə şərtlərində dəyişiklik edib

“Barselona” akademiyasının yetirmələrinin müqavilə şərtlərində dəyişiklik edib.

Komanda.az “Diario Sport”-a istinadən xəbər verir ki, gənc oyunçular müəyyən mərhələlərə çatdıqca onların satış haqqı artırılacaq.

Məsələn, UEFA Gənclər Liqasındakı debüt satış haqqını 6 milyon avrodan 8 milyon avroya yüksəldir. “Barsa Atletik” komandası ilə ən azı bir dəfə oyun oynamış oyunçular üçün isə çıxış haqqı 10 milyon avroya çatacaq.

2008-ci il təvəllüdlü və artıq ikinci komanda üçün qeydiyyatdan keçmiş oyunçuların çıxış məbləği 15 milyon avrodan artıqdır.

Dəyişikliklər bu qış Dro Fernandesin PSJ-yə keçidindən sonra tətbiq olunub. Paris klubu onun 6 milyon avroluq çıxış haqqını aktivləşdirib və yekun transfer məbləği 8 milyon avrodan bir qədər artıq olub.

Dro Fernandes yeni şərtlərlə və əsas komandada beş oyun nəzərə alınaraq müqavilə bağlasa idi, onun çıxış haqqı 25 milyon avro olardı.