“Barselona” almaniyalı hücumçunu istəyir

“Arsenal”ın hücumçusu Kay Haverts karyerasını İspaniyada davam etdirə bilər.

Komanda.az “Todofichajes”-ə istinadən xəbər verir ki, “Barselona” almaniyalı futbolçunu trasfer etmək istəyir. Kataloniya klubunun rəhbərliyi hesab edir ki, Haverts komandanın hücum potensialını gücləndirə biləcək.

24 yaşlı futbolçu bu yay “Çelsi”dən “Arsenal”a keçib. Onun transfer məbləği 70 milyon avro olub. Futbolçunun klubla müqaviləsi 2028-ci ilin yayına qədər nəzərdə tutulub.

Haverts cari mövsümdə “topçular”ın heyətində 7 oyun keçirib və 1 qol vurub.