Sabiq futbolçu “Arsenal”a görə məyus olub

“Mançester Yunayted”in sabiq müdafiəçisi Patris Evra “Arsenal”ın Premyer Liqada çətinlik çəkməsi və qəfildən ciddi böhran yaşamasına görə məyusdur.

Komanda.az xarici KİV-ə istinadən xəbər verir ki, fransalı sabiq futbolçu bunu söyləyib:

“Arsenal”da uğura görə heç bir vəsvəsə və ya inam görmürəm. Özünüz uğura inanmadığınız zaman isə başqa heç kim inanmayacaq. Onlar yenidən dejavu yaşayırlar, liqadakı liderliklərini artıq saysız-hesabsız dəfə əldən veriblər. Əlbəttə ki, Pep Qvardiola (“Mançester Siti”nin baş məşqçisi) bu dəfə bu şansı əldən verməyəcək”.

“Mançester Siti” ötən həftə sonu Premyer Liqada “Arsenal”ı 2:1 hesabıyla məğlub edib.