AFFA rəsmisi “Roma”nın oyununa təyinat alıb

AFFA-nın vitse-prezidenti və İcraiyyə Komitəsinin üzvü Könül Mehdiyeva UEFA-dan növbəti təyinat alıb.

Komanda.az xəbər verir ki, o, UEFA Avropa Liqasının Liqa mərhələsində keçiriləcək “Panatinaikos” (Yunanıstan) – “Roma” (İtaliya) oyununun UEFA nümayəndəsi olacaq.

Oyun yanvarın 29-da, Afina şəhərində yerləşən Olimpiya Stadionunda keçiriləcək.